Pedro
Arnal Cavero, Aragón en alto, Zaragoza 1942
Usa a fabla propria
d'o Somontano.
Segadores
en cuadrilla
Cantan
os ferfez en as cachiguizas d'os marguinazos; da tierra paez que
brinca calivo ta cara; en o tronco d'un planzón, está l'alforja con
una bota de vino, caliente como un pichau; as falzes y as dallas fan
tuidos con as zoquetas; os críos van y vienen llevando vencejos a
remojar ta bel basón lleno de cabezudos y as mujeres que dan as
gavillas muestran alegría porque o trigo no tiene muergo ni
balluaca. Dice una de ellas: iche patantón d'Antonied no fa más
q'acocharse pa venos as garras...
Em
piezan a segar o cuatrón dó pacino que dará pan p'a to'l año:
«trigo echáu levanta al amo». Y lo sembrón bien tarde y con a
tierra farta, tanto que les deciban: ¿veniz de bardiar? Quereban
escardarlo el día que le tocaba, pero la dueña no quiso; era el día
de la Ascensión y en aquel día «ni os pajaricos fan niedo».
Después ya no pudón: llovió y cabezó en seguida.
Antes
de volver al tajo esmolarán las falzes y hablarán de la pedregada
del año pasáu que no les dejó cosa en as viñas, ni una estapencia
en os reganos y que les estricalló as oliveras pa dos años; y se
tuvón qu'aconortar. Os rimallos de piedra durón asabelos días en a
tierra sevil.
A
brendar
Bel
domingo porque hay a mano pollos, tordas, bella liebre, conejo
montesino o un crabito con riñonera tapada por o sebo; bel día pa'l
verano en Bobín, en as Articas, en a cueva Chuandana o en un molino
debajo d'a noguera, una colla d'amigos brendará, tendrá lifara.
Denada
llegamos jamás a emborracharnos; pero bien bebíus después de
brendar bien, algo calientes, una miajeta caramocanos sí que se
poneban algunos güena cosa veces. En o monte y en a cocina con os
jornaleros se bebeba vinada, u vino bien ameráu, o una miajeta
apuntáu, u jasco, u que sabeba a puerco; pero en as brendas, ya era
otra canción: vino de flor que habían subíu de Huerta u de Salas,
fuerte y abocáu, y dimpués clarete de casa Pardina, pero no en o
porrón sino a vaso por cabeza y ronda. Y si se feba poncho y, a más,
sacaban bella botella d'anís... ¡Amos que ya sabeban prou os curas
cuando estorbaban y cuando no!
A
la salida de brispas se planeaba la merienda en a plaza d'aentro; si
era sólo domingo y no había más acto religioso que el rosario en a
iglesia d'abajo, entonces era la Callenueva el lugar de las
decisiones trascendentales. Y... diez, doce, catorce amigos, casi
siempre los mismos, s'apalabraban pa'ir a brendar a casa de Fulano, u
ta de Mengano, al escurecer: ensalada, verdura, un plated de sopas si
alguno estaba mal d'os carins, una libra de carne por barba, a
rancho, y cosa más; al estudiante y al forastero, una distinción:
plato y servilleta de lino de un metro cuadrado. As pizcas como o
preño, pero qu'hirvan hasta que se sulsan; chinflaina y ajaceite con
peches, alguna vez; os pollos ye o que más refresca en el verano,
y... almendras, nueces, pan de blanco, torta y malacatón en vino que
trajón de Balbastro.
As
dueñas u as criadas no feban miaja falta pa fer a brenda; nunca
faltaban dos o tres consagrados y especializados en tales menesteres
los que, en cobro y anticipo, mientras cocía la carne o se asaba o
masito, se poneban en a punta d'a sartén unas pizquetas u zaborretas
d'as tiernas. Alguno recomendaba echar mucho aceite en os pollos u en
o guisáu porque con pan tierno y o lardo había ocasión de comer
más y de decir, en verdad: aplicazos, ninos, que aquí hay...
untamiento, y bien güeno.
Tomás,
Buil y Perico irán a traesen cigarros y bella barra de marzapán;
icho yera una sincusa porque o que quereban era ir ta tienda y ver si
aún no s'había echáu a moza pa'vela y charrar un rated. El
maestro, Ricardo, Inocencio, Esteban... pasaban cuentas: «tocamos a
seis riales; salimos a ventitrés perretas...» Y poqued a poqued,
s'en iban ta casa el amo Fantoba, iñor Ramón de Laplana, Toñed...,
que no quereban quedasen a barafundiar.
−Qué...
¿ya s'en van? Pos... a poneles una botana...
Un
año en la montaña aragonesa: enero
Hasta
Camparrachal llega a boira preta; güena rosada hasta mediodía y
babada en os solanos que teneban un palmo de sazón. Si no se puede
coger olivas, porque as manos se te quedan enchervedidas, y as ramas
se cluchen, habría que foyar, cortar bel camal, cavar dos covanos de
napos, o limpiar os marguinazos. Y güena foguera con aliagas bien
copudas...
A
brochina de Guara y o toscón de Sevil hacen volver a casa pronto a
los labriegos. Hasta que seiga hora de cenar, ¿ámosne un rated to
forno? En os fornaz tostaremos tajadas de pan pa'fer remojóns que
tendrán ajo; limpios d'o cospillo, los afondaremos en o tinete del
aceite y con güena cosa de azúcal nos echaremos un par de tragos.
Abril
Si
llueve fuerte y caen andalocios con toscón, as patatas s'encaran; si
se chelan as viñas y os barrancos no bajan grandes, mal año; si o
polecón s'apodera d'as fabas y en o trigo sale muergo..., estamos
perdíus. ¿Habrá muestra en as oliveras? ¿Se engordarán as
güellas y os corderos en a sierra? ¿Se pondrá más a negra en os
nerales?
No,
no fa estorbo a garibaldina por as mañanetas. Aun fa frío. Y
mientras en Guara veigas nieve como a coda d'una golondrina, no
tienes segura a viña. No digas uga en cesta antes de Santa Valdesca.
Abriles y yernos pocos n'hay güenos...
Ya
sacan a cabeza os lidios d'a Valle, ya hay tremoncillo florecíu en a
costera de san Antón y caballicos en os rampallos d'os buchos. As
aliagas y as almendreras tardanas, con flor todavía, huelen a miel y
en los solanos ya se vey algún lagarto en as bocas d'os cados, pero
con a tripa bien lasa.
Mayo
Ya
canta o purpuz por as mañanetas; as galabarderas, os putios y a
zapatera d'os caminos forman airosas guirnaldas de flores. Ya florece
también, o cerimono d'os claustros y as gauchas en as eras; l'ormo
d'a calle Nueva se llena de sopetas y a catrinalla tira peñazos pa
romper bel rampallo y pa'comelo ansiosamente...
En
otra mañaneta de mayo subirá todo o lugar ta iglesia d'arriba;
desde o'sconjurador d'a Plana un sacerdote benedecirá (…) Desde el
día de Santa Cruz bandiarán, al mediodía, a campana «dan-dan»
para que los labradores recen y coman a las doce y pa'que faigan
siesta porque os pampanos d'as cepas ya valen pa'tapar os ojos...
Ya
siñalan as oliveras en los comienzos del mes; ya se vey muestra en
as Fajetas. Os artos (espino blanco) están bien florecíus y siempre
ye icho güena siñal... Pero no llueve en el Somontano y ya se habla
en los pueblos de fer «robativas» a la Virgen de Dulcis. Tampoco os
barrancos bajan muy llenos; y si no se pudiera regar, para el verano,
tantos cuatrones de judías, de patatas y de napos... Ahora, a ratos
perdíus, a repasar os trigos; siempre queda biraga, ovejeta gato y
bella mialca. En as coles fan mal o galapatillo y os limacos; también
hay que atender as güertas, tamnién...
No hay comentarios:
Publicar un comentario